កាន់តែច្បាស់! អតីតប្ដី សាន ស្រីឡៃ មានឈ្មោះផ្សេង ហើយក៏មិនមែនអាយុ ៥៣ឆ្នាំដែរ
![Image](https://blogger.googleusercontent.com/img/b/R29vZ2xl/AVvXsEgBhJPZg5wRK2UYBQ5hX30aBu6JL9gvxlxNkqcsTBwuC7GVnohTMrCddV0GHmwtrMSQ-jPluJzv8X9fAvDOpJXtomqeSu8vJ4_ywA612eeKuDP65N2a0KBS-V9FDD6YMxuMq3GJoCvt_rw/s320/22523643_1216189538486772_1598021655_n.jpg)
ឃាតកម្មដ៏កក្រើកកាលពីម្សិលមិញ បានបន្សល់ទុកព័ត៌មានជាច្រើន ហើយឥឡូវនេះក៏ទើបបែកធ្លាយរឿងមួយចំនួនទៀត ដែលខុសពីប្រិយមិត្តបានដឹងពីមុនមក។ តាមពិត អតីតប្ដីរបស់តារាចម្រៀង សាន ស្រីឡៃ មានឈ្មោះពិត ខៀវ ម៉ៅ អាយុទើប ៤៧ឆ្នាំប៉ុណ្ណោះ។ បើតាមព័ត៌មានចុងក្រោយដែលទើបទទួលបាន គឺអតីតប្ដីរបស់តារាចម្រៀង និងជាអតីតបេក្ខនារីក្នុងកម្មវិធី The Voice Cambodia មិនមែនមានឈ្មោះ ជ័យ រិន នោះទេ គឺមានឈ្មោះពិត ខៀវ ម៉ៅ។ ចំណែកឈ្មោះ ជ័យ រិន នោះទិញពីគេពេលចូលធ្វើគយ។ ចំណែកអាយុពិត ទើប ៤៧ឆ្នាំប៉ុណ្ណោះ មិនមែន ៥៣ឆ្នាំ ដូចព័ត៌មាននានចុះផ្សាយកន្លងមកទេ។ តាមប្រភពគួរឲ្យទុកចិត្ត គឺ ខៀវ ម៉ៅ បច្ចុប្បន្ន ជាជំនួយការសាខាគយខេត្តកំពង់ចាម មិនមែនជាអនុប្រធានសាខាគយខេត្តត្បូងឃ្មុំទេ។ មន្រ្តីគយរូបនេះ ធ្លាប់បំពេញការងារជាច្រើនកន្លែង ដូចជាខេត្តព្រះសីហនុ ក្រុងប៉ោយប៉ែត និងខេត្តបន្ទាយមានជ័យ។ មូលហេតុនេះហើយ ទើបលោក ខៀវ ម៉ៅ បានជួបជាមួយ សាន ស្រីឡៃ បង្កាត់ភ្លើងស្នេហ៍ បានកូន ២នាក់ ទាំងមានប្រពន្ធនៅស្រុកកំណើតឯខេត្តព្រៃវែងទៅ