ទៀតហើយ! កង់បី ២ គ្រឿងចាប់បាន លួចដឹកសាច់មាន់និងប្រហិតខូចគុណភាពជិត២តោន
យ៉ាងហោចណាស់មានសាច់មាន់និងប្រហិតខូចគុណភាពប្រមាណជិត ២តោន ដឹកតាមកង់បីពីរគ្រឿង ត្រូវសមត្ថកិច្ចចាប់បាន ខណៈមានបំណងយកទៅចែកចាយតាមផ្សារខេត្តកោះកុង។
ក្រោយនគរបាលខេត្តកោះកុងចាប់បានម៉ូតូកង់បីទាំងពីរគ្រឿងដែលលួចដឹកប្រហិតនិងសាច់មាត់ ខូចគុណភាព ធ្វើឲ្យប៉ះពាល់ដល់សុខភាពពលរដ្ឋ សាច់មាន់និងប្រហិតជិតពីរតោននោះ ត្រូវយកទៅកម្ទេចចោលភ្លាម។
បើតាមការបញ្ជាក់របស់សមត្ថកិច្ច សាច់មាន់និងប្រហិតដឹកតាមកង់បីទាំងនោះ ត្រូវលួចដឹកឆ្ពោះទៅផ្សារដងទង់ ដើម្បីចែកចាយលក់តាមទីផ្សារក្នុងខេត្តកោះកុងនោះ តែត្រូវសមត្ថកិច្ចឆែកឆែរចាប់បានទាន់ពេល មុនពេលប៉ះពាល់ដល់សុខភាពពលរដ្ឋ។
Comments
Post a Comment